Þessar síður eiga að veita þá innsýn í bragfræði, sem nauðsynleg er, til að yrkja háttbundnar vísur og þjálfa með sér næmt brageyra. Háttbundinn kveðskapur lifir enn, ekki síst á Netinu, en þó kemur oft í ljós, að kunnáttu í bragfræði er ábótavant. Grunnatriði bragfræðinnar, sem hér eru fram sett, ættu að geta bætt úr því og sé lærdómnum fylgt eftir með tilraunum, ættu flestir að geta þjálfað með sér næmt brageyra.